Phir bhi us Zaat se hai tu Door Kitna

Hai Nafs ke Haathon tu Majboor KITNA
Sub Jaan ke bhi hai Aaj LaShaoor KITNA

Jis Chehray ne Hai Ek Din Matti mei Mil Jana,
Us Chehray pe hai Tujhe Gharoor KITNA

Ek Sajde ke Inkaar ne IbLees ko Shetaan Bana Dia
Tu Khud Jaan Lay Tera hai Qasoor KITNA

Jin ki Sunnat pe Chalna Tujhe Gawara Nahi,
Teray Waasty Roye thay Woh HUZOOR KITNA

Tu ne Chakhi hai Faqat Gunaahon ki Lazzat,
Tu Kya Janay Zikr-e-Elaahi mei hai Suroor KITNA

Teri Sheh-e-rag se bhi Zyada jo Teray Qareeb hai,
Phir bhi us Zaat se hai tu Door Kitna!!